Millimizin hücumçusunun çıxış etdiyi “Bursaspor” Türkiyə kubokunda mərhələ adlayıb

Türkiyə kubokunda 3-cü təsnifat mərhələsinin oyunları keçirilir. Allsport.az saytı xəbər verir ki, Azərbaycan millisinin yeni hücumçusu Dəniz Yılmazın komandası doğma meydanda aşağı liqa təmsilçisi “Yomraspor”la qarşılaşıb.

Matç “Bursaspor”un 3:0 hesablı qələbəsi ilə başa çatıb və komanda növbəti mərhələyə vəsiqə qazanıb. Superliqa matçlarında əsas heyətdə meydana çıxan futbolçumuzun adı kubok görüşündə bəzi komanda yoldaşları kimi iştirak ərizəsində yer almayıb.