Millimizin müdafiəçisi Donetsk “Şaxtyor”unun hüçumçularının qarşısını kəsə bilməyib

Ukrayna Liqa Pari-Matçında 17-ci turun qarşılaşmaları olub. Allsport.az saytı xəbər verir ki, Azərbaycan millisinin müdafiəçisi Pavel Paşayevin formasını geyindiyi “Stal” Donetskdə yerli “Şaxtyor”la görüşüb.

Futbolçumuzun komandası bu matçda məğlub olub (0:2). Mübarizəyə start heyətdə başlayan həmvətənimiz yenə 90 dəqiqə çıxış edib. “Poladçılar” 17 turdan sonra 14 xalla 12 klub arasında 8-cidir.