Millimizin oyunu ingiltərəli hakimlərə tapşırıldı

Millətlər liqasının qrup mərhələsinin ilk turunda keçiriləcək Azərbaycan – Lüksemburq matçının təyinatları açıqlanıb. Allsport.az xəbər verir ki, qarşılaşmanı ingiltərəli FIFA referisi Kris Kavana idarə edəcək.

Ona yerliləri – Daniel Riçard Kuk və qadın hakim Şan Ellis-Messi kömək edəcəklər. Dördüncü hakim funksiyasını Pol Tirni yerinə yetirəcək.

Matçın hakim-inspektoru san-marinolu Stefano Podeşi olacaq. Türkiyəli Mətin Qazançıoğlu UEFA nümayəndəsi kimi qarşılaşmaya təyinat alıb.

Sentyabrın 5-də Bakı olimpiya stadionunda keçiriləcək Azərbaycan – Lüksemburq oyunu saat 20:00-da başlayacaq.