Millinin heyəti

19 yaşadək futbolçulardan ibarət Azərbaycan millisi iyunun 3-11-də Moldovanın Tiraspol şəhərində yoldaşlıq turnirində iştirak edəcək.

Allsport.az xəbər verir ki, yığmamızın ilkin heyəti açıqlanıb.

Seleksiya xarakterli oyunlardan sonra U-19-a cəlb olunan futbolçular mayın 27-dən iyunun 2-dək Bakıda təlim-məşq toplanışı keçəcəklər. Moldovada baş tutacaq turnirdə komandamızın rəqibləri Qazaxıstan, Türkiyə və meydan sahibləri olacaq.

U-19 yığmamız iyunun 4-də Qazaxıstan (U-19), 7-də Türkiyə (U-20), 10-da isə Moldova (U-19) komandaları ilə qarşılaşacaq. Qazaxıstanlı və moldovalılarla oyunlar Tiraspolun “Şerif” stadionunda, türklərlə isə Benderin “Dinamo” stadionunda baş tutacaq.