Millisinin keçmiş hücumçusunun komandası darmadağın oldu

Almaniyanın Şimal-Şərq Regional Liqasında 28-ci turun oyunları keçirilib. Allsport.az saytı xəbər verir ki, Azərbaycan millisinin sabiq hücumçusu Rüfət Dadaşovun komandası – “Germaniya Halberştadt” klubu da növbəti matçına çıxıb.

Bu komanda doğma meydanda “Berliner AK 07” ilə qarşılaşıb. Matç futbolçumuzun klubunun böyük hesablı məğlubiyyət ilə başa çatıb – 0:6. Rüfət bu matça start heyətdə başlayıb və sonadək mübarizə aparıb. O, 52-ci dəqiqədə sarı vərəqə almaqla da diqqət mərkəzinə düşüb.

Qeyd edək ki, həmvətənimizin komandası hazırda 20 xalla 18 klub arasında 16-cı pillədə qərarlaşıb.