Modriç türk azarkeşlərlə bağlı paylaşım edib

Xorvatiya milli komandasının kapitanı Luka Modriç türk azarkeşlərə dəstəklərinə görə təşəkkür edib.

Allsport.az xəbər verir ki, 37 yaşlı yarımmüdafiəçi Bursada keçirilən Türkiyə – Xorvatiya matçının (0:2) 84-cü dəqiqəsində türk azarkeşlərin alqışlarına tuş gəlib. O, sosial media paylaşımında bu alqışları təşəkkürlə cavablandırıb.

Oyundan sonra Xorvatiyanın baş məşqçisi Zalto Daliç matçla bağlı belə deyib: 

“Modriçə dəyərli oyununa, azarkeşlərə isə Modriçə olan hörmətinə görə təşəkkür edirəm. Türkiyə xalqı bizi çox yaxşı qarşıladı. Hər kəsə çox təşəkkür edirəm”.