MOİK baş məşqçisi ilə yolları ayırdı

Futbol üzrə Azərbaycan I Divizionunda çıxış edən MOİK-də baş məşqçi istefası reallaşıb. Allsport.az klubun mətbuat xidmətinə istinadən xəbər verir ki, “hərbçilər” Şamil Adilovla yolları ayırıb.

Uzun müddət MOİK-də çalışmış mütəxəssis uğursuz nəticələrə görə işindən ayrılmalı olub. Belə ki, klub rəhbərliyi komandanın cari mövsüm I diviziondakı nəticələrini qeyri-qənaətbəxş hesab etdiyindən Adilovla yollar qarşılıqlı razılıq əsasında ayrılıb.

Klub rəhbərliyi Şamil bəyə bu müddətdə göstərdiyi xidmətlərə görə təşəkkür edərək, ona gələcək fəaliyyətində uğurlar arzulayıb.

Qeyd edək ki, yeni baş məşqçinin adı yaxın zamanda açıqlanacaq.