MOK-un əməkdaşları da fonda dəstək oldular

Milli olimpiya komitəsinin əməkdaşları koronavirusla mübarizəyə dəstək fonduna vəsait köçürüblər. Allsport.az saytı xəbər verir ki, qlobal pandemiya ilə mübarizə üçün sosial həmrəyliyin nümayiş etdirilməsini zəruri sayan MOK, vətəndaşları, o cümlədən olimpiya hərəkatının çoxminli üzvlərini koronavirusla mübarizədə fəal olmağa səsləyiblər.

Özlərini və ətrafdakı insanları qorumaq məqsədilə nazirlər kabineti yanında operativ qərargahın təlimatlarına ciddi riayət etməyə, yaşlı insanların qayğısına qalmağa, zərurət olmadığı təqdirdə evdən çıxmamağa və ictimai yerlərə toplaşmamağa çağırırlar.