Monteneqro Bakıya itkilərlə yollanacaq

Millətlər liqasının 5-ci turunda millimizin qonağı olacaq Monteneqro paytaxta itkilərlə təşrif buyuracaq. Allsport.az saytı xəbər verir ki, buna səbəb rəqibin 3 futbolçusu ötən gün Lüksemburqla matçda cəzalı duruma düşməsidir. Evdə 1:2 hesabı ilə uduzan Qaradağın 2 oyunçusu qırmızı, biri isə sarı vərəqə alıb.

Müdafiəçi Marko Simiç 2-ci sarı vərəqə ilə meydanı tərk edibsə, hücumçu Marko Yankoviçə birbaşa qırmızı vərəqə göstərilib. Digər müdafiəçi Momçilo Raspopoviç isə, ümumən 2-ci xəbərdarlığını alıb.

Azərbaycan – Monteneqro oyunu noyabrın 14-də keçiriləcək.