Mövsümün yeni rekordu 

Premyer liqada mövsümün tamaşaçı rekordu qeydə alınıb.

Allsport.az xəbər verir ki, bu, XXXII turun “Sumqayıt” – “Qarabağ” matçında baş verib.

Mehdi Hüseynzadə adına Sumqayıt şəhər stadionundakı görüşü 9300 tamaşaçı izləyib. Bu, çempionatın arxada qalan hissəsi üçün ən yüksək göstəricidir.

Buna qədər rekord “Sumqayıt” – “Neftçi” matçına təsadüf etmişdi. XXI turun qarşılaşmasında 8100 seyrçi qeydə alınıb.

“Sumqayıt” ev matçında 1:0 hesablı qələbə qazanıb.