Murad Musayev: “Oyun tamaşaçıların zövqüncə oldu”

Azərbaycan premyer liqasında X tura start verilib. “Sabah” bu turda evdə “Zirə” ilə qarşılaşıb. Görüş 3:3 hesablı bərabərliklə nəticələnib.

Allsport.az xəbər verir ki, “Sabah”ın baş məşqçisi Murad Musayev oyunsonrası mətbuat konfransında qarşılaşma ilə bağlı fikirlərini bildirib. Rusiyalı mütəxəssis komandanın ilk hissədə yaxşı təsir bağışladığını qeyd edib:

“Fikrimcə, oyun tamaşaçıların zövqüncə oldu. Meydanda açıq futbol izlədik. İlk hissədə yaxşı oyun sərgilədik. Meydanın rəqibə aid hissəsində hər şey istədiyimiz kimi alındı, 3 qol vurduq. Lakin təəssüf ki, fasilədən sonra meydanda azlıqda qaldıq və üstünlük rəqibin tərəfinə keçdik. Bundan sonra daha çox hesabın qorunmasına çalışsaq da, sonda qələbə hesabını qoruyub saxlaya bilmədik”.