Murad Musayevin komandasında üç rəsmi ayrılıq

Qapıçı Yuri Dyupin, yarımmüdafiəçi Yuri Qazinski və hücumçu Fyodor Smolov müqavilə müddəti başa çatdığı üçün “Krasnodar”ı tərk ediblər.

Allsport.az xəbər verir ki, Dyupin “öküzlər”in heyətində 5 oyun keçirib və bu matçlarda 10 qol buraxıb. Qazinski “Krasnodar”ın heyətində 289 oyunda iştirak edib, 15 qol və 30 məhsuldar ötürmə müəllifi olub.

Smolov isə “qara-yaşıllar” tarixinin ən yaxşı bombardiridir. 35 yaşlı rusiyalı 125 matçda 68 qol vurub, 24 məhsuldar ötürmə edib.

“Krasnodar” bitən mövsümdə Rusiya çempionu olub.