Namiq Ələsgərov: “Neftçi”nin heyətində ilk qolumu vurduğuma görə çox sevinirəm”

Bu gün “Neftçi” klubu premyer liqanın 17-ci turu çərçivəsində “İnter”in qonağı olub. Allsport.az saytı xəbər verir ki, 8-qat ölkə çempionu rəqibini 3:1 hesabı ilə məyus edib. Görüşdən sonra “ağ-qaralar”ın 22 yaşlı yarımmüdafiəçisi Namiq Ələsgərovun təəssuratı belə olub:

“Çətin oyun oldu. Son iki matçdakı nəticələrdən sonra bu gün mütləq qələbə qazanmaq istəyirdik. Həm buna nail olduğumuza, həm də “Neftçi”nin heyətində ilk qolumu vurduğuma görə çox sevinirəm”.