Namiq və 8 legionçu “Bursaspor”un məşqinə qatılmadı

Namiq Ələskərovun çıxış etdiyi “Bursaspor” mövsümün son turunda “Mənəmənspor”la oyunun hazırlığına başlayıb. Allsport.az saytı xəbər verir ki, “yaşıl timsahlar”ın məşqində yalnız 10 gənc futbolçu iştirak edib.

Millimizin üzvü daxil olmaqla, komandanın 8 əcnəbisi toplanışa qatılmayıb. Onların bilgi vermədən düşərgəyə qoşulmadıqları bildirilib.

Son turda “Bursaspor”un 1-ci liqanı tərk edəcəyi dəqiqləşib. Klub prezidenti Ömər Furqan Banaz açıqlamasında, legionçuların hamısının müqaviləsinə xitam veriləcəyini deyib.