“Neftçi” 5 oyundan 5 qələbə ilə finalda!

Rusiyanın Krasnodar şəhərində keçirilən “Dəri top” turnirində qrup mərhələsinə yekun vurulub. Allsport.az xəbər verir ki, “Neftçi” PFK-nın U-14 komandası qrupdakı son oyununda da qalib gəlib.

Abxaziyanın “Qudauta” klubunu 9:0 hesabı ilə məğlub edən yeniyetmələrimiz maksimum nəticə ilə finala yüksəliblər. Qollara Musa Qurbanlı (6), Ramin Nəsirli, Vüsal Qənbərov və Murad Abbaslı imza atıblar.

Qeyd edək ki, bundan əvvəlki oyunlarda Tacikistanın “Umed” (3:0), Rusiyanın “Puls” (2:1), Moldovanın “Spiru Xaret” (4:1) və Rusiyanın “Nadejda” (3:2) klubunu məğlub etmiş “Neftçi” sabah keçiriləcək final matçında “Barsalan” (Cənubi Osetiya) ilə qarşılaşacaq.