“Neftçi” artıq etibarlı əldədir! Fərrux Mahmudov bayraqdarın prezidenti təyin edildi!

Fərrux Mahmudov “Neftçi” peşəkar futbol klubunun prezidenti (baş icraçı direktoru) təyin edilib. Allsport.az saytı xəbər verir ki, o, 1982-ci ildə anadan olub. 1999-2003-cü illərdə Azərbaycan dövlət iqtisad universitetində mühasibat uçotu və audit ixtisası üzrə bakalavr, 2003-2005-ci illərdi isə Mərkəzi avropa universitetinin niznes məktəbində biznesin idarə olunması və marketinq üzrə magistr təhsili alıb.

Fərrux Mahmudov 2022-ci ildən Azərbaycan basketbol federasiyasının icraçı direktorudur. O, həmçinin 2015-ci ildən “ALTÜST Media” MMC-nin təsisçisi və idarəedici direktoru olmuşdur.

Müxtəlif illərdə “Samsung Electronics Caucasus”, “British American Tobacco Azerbaijan”, “Azerfon” MMC və digər şirkətlərdə rəhbər vəzifələrdə çalışıb.