“Neftçi” Kane ilə vidalaşdı

“Neftçi” Mamadu Kane ilə vidalaşıb. Allsport.az saytı xəbər verir ki, 2018-ci ilin dekabrında – 21 yaşında Qvineyadan Azərbaycana yollanan futbolçu, 2021-ci ilin sentyabrında Yunanıstanın “Olimpiakos” klubuna satılıb. Sonra icarə əsasında “ağ-qaralar”da çıxışını davam etdirib.

25 yaşlı yarımmüdafiəçi “Neftçi”nin heyətində 61-i çempionat, 4-ü kubok, 15-i avrokubok olmaqla 80 rəsmi matçda (1 qol) iştirak edib və 2020/2021 mövsümündə Azərbaycan çempionu olub. O, Qvineya millisində 13 oyuna çıxıb, 1 qol vurub.