“Neftçi” tarixində 2-ci dəfə uğursuz zolağa düşüb

Premyer liqasının yeni mövsümündə ilk 3 oyununda qələbə qazana bilməyən “Neftçi” tarixində 2-ci dəfə uğursuz zolağa düşüb. Allsport.az saytı xəbər verir ki, ilk turda “Kəpəz”ə 0:1 hesabı ilə uduzan Bakı klubu, “Səbail” və “Sabah”la matçlarda 1:1 bərabərliklə kifayətlənib.

3 qarşılaşmada 2 xal toplayan “ağ-qaralar” 1992-ci ildən daimi iştirakçısı olduğu çempionatda bunadək bir dəfə belə startla üzləşib. 2017/18 mövsümünün ilk üç qarşılaşmasında “ağ-qaralar” qələbə qazanmayıb. 6 il əvvəl “Qarabağ”a 1:2, “Səbail”ə 0:1 hesabı ilə uduzan komanda “Kəpəz”lə qolsuz heç-heçə edib.