“Neftçi” “Turan Tovuz”u darmadağın etdi

Azərbaycan premyer liqasında 25-ci tur başa çatıb.

Allsport.az xəbər verir ki, turun son oyununda “Neftçi” evdə “Turan Tovuz”la qarşılaşıb və 4:0 hesablı qələbə qazanıb.

Hesabı 20-ci dəqiqədə Sezar Meza Kolli açıb. Emin Mahmudov 24 və 84-cü dəqiqələrdə fərqlənərək dubl edib. 72-ci dəqiqədə isə Mateus Saldanya qol vurub.

“Neftçi” turnir cədvəlində 52 xalla 3-cü, “Turan Tovuz” isə 26 xalla 6-cıdır.