“Neftçi”də nigeriyalı hücumçu! O, Rusiya çempionu olub

Allsport.az saytı xəbər verir ki, “ağ-qaralar” Aron Olanare ilə 1 illik müqavilə bağlanıb. 29 yaşlı futbolçu komandamızın heyətində 25 nömrəli geyimdə çıxış edəcək.

O, öncələr Nigeriyanın “Şutinq Stars” (2010-2011), “Dolfin” (2011-2012), “Volerenqa” (2012-2013), Norveçin “Sarpsborq” (2013-2014), Çinin “Quanço Siti” (2014-2017), “Siçuan Lonqfor” (2019), “Çanqçun Yatay” (2020), Rusiyanın SSKA (2016-2018), “Amkar” (2017-2018), İsrailin “Beytar Yerusəlim” (2018-2019) və Türkiyənin “Ərzurumspor” (2021-2023) klublarında çıxış edib. Nigeriya seçməsində 7 oyun keçirib, 2 qol vurub. 2015/16 mövsümündə SSKA ilə Rusiya çempionu olub.

“Neftçi” bundan əvvəl milli komandamızın üzvləri – qapıçı Emil Balayev, Xorvatiya əsilli yarımmüdafiəçi Filip Ozobiç, mərkəz müdafiəçiləri – braziliyalı Yuri Matias və macarıstanlı Mark Tamaş, təcrübəli dayaq yarımmüdafiəçisi Qara Qarayev və sağ cinah müdafiəçisi Ervin Koffi ilə anlaşıb.