“Neftçi”də qvineyalı yarımmüdafiəçi

“Neftçi” klubu heyətini yeni futbolçu ilə gücləndirib.

Allsport.az saytı xəbər verir ki, qvineyalı Mamadu Kane ilə 3-illik müqavilə bağlanılıb. Oktyabrın 15-dən “Neftçi”də baxışda olan 21 yaşlı Kane mərkəz yarımmüdafiəçisidir. O, yeni komandasında 36 nömrəli formanı geyinəcək.

Qeyd edək ki, bundan əvvəl Qvineyanın “Kalum Star” klubunun üzvü olmuş Mamadu bu ölkənin U-20 millinin komandasında oynayıb və dünya çempionatında iştirak edib.