“Ağ-qaralar”da yeni struktur

Allsport.az xəbər verir ki, paytaxt təmsilçisinə müşahidə şurası rəhbərlik edir. Klubun baş icraçı direktoru Fərrux Mahmudov, müşahidə şurasının idman üzrə müşaviri isə Kamil Məmmədovdur.

Strukturda yeni departamentlər qruplaşdırılıb. İdman direktoru isveçli mütəxəssis Yens Andersson, administrativ işlər üzrə direktor isə Səbuhi Rzayevdir. Maliyyə üzrə direktor vəzifəsini Namiq Əlizadə icra edir.

“Neftçi”nin media, marketinq və ictimaiyyətlə əlaqələr departamenti kommersiya və kommunikasiyalar üzrə iki hissəyə ayrılıb. Kommersiya üzrə direktor Rüstəm Allahverdiyev, kommunikasiyalara Aysu İbrahimli rəhbərlik edəcək.