“Neftçi”nin futbolçusu millidə qol vurub

“Neftçi”nin futbolçusu Haiti millisinin heyətində növbəti qolunu vurub. Allsport.az saytı xəbər verir ki, Soni Mustivar CONCACAF millətlər liqasında Sent-Lusia ilə səfər oyununun 13-cü dəqiqəsində fərqlənib.

Bu, 28 yaşlı yarımmüdafiəçinin yığmada 2-ci qolu olub. Soni oyunun 2-ci hissəsinə əlavə olunan ilk dəqiqədə əvəzlənib. Görüş qonaqların 2:1 qələbəsi ilə yekunlaşıb.

“Qarabağ”ın müdafiəçisi Donald Gerye isə zədə səbəbindən Haiti millisinə dəvət almayıb.