“Neftçi”nin rekordunu yenilədi

“Qarabağ” premyer liqanın 18-ci turunda “Qəbələ”ni 5:1 hesabı ilə məğlub edib. Allsport.az saytı xəbər verir ki, Ağdam klubu ölkə çempionatları tarixində 118-ci dəfə ev oyununda 3 və ya daha çox qol vurub.

Bu, 1992-ci ildən keçirilən yarışın tarixində yeni rekorddur. “Qarabağ” öz meydanında 117 dəfə məhsuldarlıq nümayiş etdirən “Neftçi”ni arxada qoyub.

“Köhlən atlar” 3 və ya daha çox qol vurduğu ilk ev oyunu 1992-ci il mayın 6-da baş tutub. 30 il öncə Kürdəmir “Şirvan”ı üzərində 6:0 qələbə qazanılıb.