“Neftçi”nin stadionunda ot örtüyü dəyişdirilir

“Neftçi”nin ev oyunlarını keçirdiyi “Bakcell arena” təmirə bağlanır. 

Allsport.az saytı xəbər verir ki, stadionun qazonunda aparılacaq yeniləmə işləri səbəbindən klubun müraciəti və “Səbail”in razılığı ilə premyer liqanın 1-ci dövrəsinin 7-ci tur oyunu “Səbail” – “Neftçi”, 2-ci dövrənin 15-ci tur görüşü “Neftçi” – “Səbail” olaraq dəyişdirilib.

Sentyabrın 16-da “Səbail” – “Neftçi” qarşılaşması saat 20:30-da start götürəcək.