“Neftçi”nin yeni mətbuat katibi bilinib

“Neftçi”nin mətbuat xidmətinin rəhbəri vəzifəsinə yeni təyinat olub. Allsport.az saytı xəbər verir ki, klub rəhbərliyinin qərarı ilə bu vəzifəyə Rüstəm Allahverdiyev gətirilib. O, mayın 15-dən işinin icrasına başlayacaq.

1987-ci il təvəllüdlü həmkarımız Bakı Dövlət Universitetinin Jurnalistika və Hüquq fakültələrini bitirib. Əmək fəaliyyətinə 2007-ci ildən başlayıb.

Müxtəlif idman qəzetlərində müxbir, 2011-2015-ci illərdə Zaqatalanın “Simurq” klubunun mətbuat katibi işləyib. Sonuncu iş yeri isə “Sumqayıt Texnologiyalar Parkı” MMC-nin mətbuat xidməti olub.