“Neftçi”nin yeni prezidenti kim oldu?

“Neftçi Peşəkar Futbol Klubu” Məhdud Məsuliyyətli Cəmiyyətində struktur dəyişikliyi edilib. Allsport.az saytı xəbər verir ki, təsisçinin qərarı ilə “icraçı direktor” vəzifəsi ləğv edilib, “prezident” və “vitse-prezident” vəzifələri yaradılıb.

Bayraqdarın fəaliyyətinə rəhbərlik cəmiyyətin təkbaşına icra orqanı olan prezident tərəfindən həyata keçiriləcək. Orxan Hüseynzadə müvafiq qərarla prezident, Elnur Eyvazov vitse-prezident təyin ediliblər.

Müşahidə Şurası əvvəlki tərkibdə “Neftçi”nin idarə olunmasına nəzarəti həyata keçirəcək.