Nelson Bonilla: «Bu oyunda qola çox ehtiyacım vardı»

Ölkə çempionatının güclülər dəstəsində 7-ci turun görüşləri davam edir. Allsport.az saytı xəbər verir ki, hesabat turunda «Zirə» öz meydanında «Neftçi»ni qəbul edib. Matçboyu üstün oyun nümayiş etdirən debütant bayraqdarı 2:0 hesabı ilə məyus edib.

Görüşdən sonra ev sahibinin salvadorlu futbolçusu Nelson Bonilla qələbə təəssüratını belə bölüşüb: «İstənilən hucümçü bəxtsizliklə üzləşə bilər. Bu oyunda qola çox ehtiyacım vardı. Bir dəfə zərbəm dirəkdən dönsə də, növbəti vuruşum dəqiq alınldı.

Düzünü desəm, bura gəlməmişdən öncə 3-4 ay futbol oynamamışdım. Məşqlərə burada başladım. Hər şey qaydasına duşur. Azərbaycan çempionatı məni yaxşı mənada, təəccübləndirib. Artıq burada futbol sürətlə inkişaf edir. Hər şeyə rəğmən, irəliləmək üçün yenə çalışmaq lazımdır».