Norris 24 il sonra bunu bacarıb

“Maklaren”i təmsil edən Lando Norris komandanın 24 il ərzində Avstriya qran prisini qazanan ilk pilotu olub.
Allsport.az xəbər verir ki, komandanın bu yürüşdə son qalibi Devid Kulthard olub. O, 2001-ci ildə Avstriya qran prisində birinci olub. O vaxtdan bəri “Maklaren” Spilberqdə cəmi üç podiuma sahib olub – Kimi Rəykkönen 2003-cü ildə ikinci, Norris 2021-ci ildə üçüncü, Oskar Piastri isə 2024-cü ildə ikinci olub.

Cari mövsümün 11-ci turundan sonra Piastri 216 xalla liderdir. Lando Norris 201 xalla ikincidir.