“O, çox yaxşı oyun oynadı!”

“Mançester Siti”nin baş məşqçisi Xosep Qvardiola “Real”la çempionlar liqasının 1/4 final mərhələsinin cavab oyununda penaltidən qaçan “Siti”nin yarımmüdafiəçisi Bernardo Silvanı dəstəkləyib.

Allsport.az xəbər verir ki, mütəxəssis futbolçuda heç bir günahın olmadığını bildirib:

“Bernard penaltini yerinə yetirməyi xahiş etdi, o, etibarlı oyunçudur və bunu belə qəbul etməyə qərar verdi. O, çox yaxşı oyun oynadı! Bu cür hallar olur. Bu futbolçulara oynadıqları oyuna görə ürəkdən təşəkkür etməliyəm. Ancaq futbol qələbədən ibarətdir və biz kifayət qədər iş görmədik, amma yenə də əla oyun göstərdik”.