Olimpiya çempionu vəfat etdi

Norveçli xizəkçi Odd Martinsen 82 yaşında vəfat edib.

Allsport.az xəbər verir ki, o, 1968-ci il olimpiya oyunlarında estafet yarışında qızıl, 30 km məsafəyə yarışda isə gümüş medal qazanıb. 1976-cı il olimpiadasında estafet yarışında ikinci yeri tutub. O, həmçinin dünya çempionatında qızıl, gümüş və üç bürünc medal qazanıb.

Peşəkar xizək idmanından təqaüdə çıxdıqdan sonra idman administratoru vəzifəsində çalışıb. 1986-cı ildən 2002-ci ilə qədər beynəlxalq xizək və snoubord federasiyasının (FİS) kross xizək komitəsinə rəhbərlik edib.