Olimpiya ilində “Olimpiya”dan zəfər

Həvəskar futbolçulardan ibarət komandalar arasında təşkil olunan sayca XXV Azərbaycan birinciliyinə yekun vurulub.

Allsport.az saytı xəbər verir ki, Şirvan olimpiya idman kompleksinin stadionunda 3-cü yer uğrunda oyunda bu şəhərin eyni adlı komandası Bakı təmsilçisi “Dirçəliş”i 3:2 məğlub edib.

Ardından Mingəçevirin “Ulduz” və Ağcabədinin “Olimpiya” kollektivləri finalda üz-üzə gəliblər. 2:2 hesabı ilə başa çatan matçda qalib 11-metrlik zərbə sıralaması ilə müəyyənləşib.

Daha dəqiq olan “Olimpiya” (4:2) həvəskarlar liqasının 2023-2024-cü il mövsümünün qalibi olub.