Olimpiya millimiz olimpiya çempionuna tapşırıldı!

Tokio-2020 yay olimpiadasına yollanacaq Azərbaycan nümayəndə heyətinin rəhbərinin adına aydınlıq gəlib.

Allsport.az saytı xəbər verir ki, bu şərəfə yunan-Roma güləşi üzrə olimpiya və 2-qat dünya çempionu Fərid Mansurov layiq görülüb. O, Pekin-2008-də olimpiya millimizin bayraqdarı olub. Ünlü bahadır hazırda gənclər və idman nazirliyinin idman şöbəsinin müdiridir.

Gündoğar ölkədə “dörilliy”in ən böyük idman bayramı 24 iyul – 9 avqustda olacaq. Bu oyunların keçirilməsinə Bakı (2011) da iddialı olsa da, 2-ci mərhələdə uduzmuşdu.