Ömər Torpağın başlatdığı kampaniyadan 47 min avro gəlib

Qəhrəmanmaraşda baş verən zəlzələdən sonra başladılan kampaniyalardan biri də “Antalyaspor”un təcrübəli müdafiəçisi Ömər Torpağın təşəbbüsü olub. Allsport.az saytı xəbər verir ki, 33 yaşlı futbolçu əvvəl çıxış etdiyi son 2 klub – “Borussiya Dortmund” və “Verder Bremen”ə dəstək üçün çağırışı edərkən, hər 2 tərəf müsbət cavab verib.

2 həftə öncə bu komanda arasında oynanılan matçda geyilən 40 köynəklər hərraca çıxarılıb. 15 gün davam edən satışyekunlaşarkən, 47 min 196 avro toplanıb. 40 formadan 30-u almanlar tərəfindən alındığı halda, donorlar arasında Honq Konq, Çin, ABŞ, Yaponiya, Lüksemburq, İngiltərə, Danimarka və Finlandiya vətəndaşları olub.