Onana 50 milyona “İnter”dən getdi

“Mançester Yunayted” “İnter”in qapıçısı Andre Onananı transfer edib.

Allsport.az xəbər verir ki, tərəflər arasında müqavilə daha bir mövsüm uzadılmaq imkanı ilə 5 il müddətinə nəzərdə tutulub.

Transfer məbləğinin 50 milyon avro olacağı bildirilib.

27 yaşlı Onana futbolçu karyerasına vətənində Kamerunda başlayıb, 2010-cu ildə isə “Barselona”ya keçib. 2015-ci ildə “Ayaks”a keçib, 2022-ci ilin yayında isə “İnter”lə müqavilə imzalayıb.