“Onsuz da Bakıya getmək istəyim yox idi” – erməni futbolçu

“Kayrat”ın erməni yarımmüdafiəçisi Kamo Oqanesyan konfrans liqasının qrup mərhələsində “Qarabağ”la oyun üçün Bakıya səfər etməyəcəyindən danışıb.

Allsport.az xəbər verir ki, 29 yaşlı futbolçu “Matç TV”yə açıqlamasında deyib:

“Yalnız deyə bilərəm ki, Bakı mənim təhlükəsizliyimə zəmanət verə bilməz. Onsuz da ora getmək istəyim yox idi. Amma getməyə və oynamağa hazır idim. “Kayrat”a yalnız qələbə arzulayıram. Mənsiz də istənilən rəqibi məğlub edə bilərlər. Yaxşı komandamız var”.

“Qarabağ” konfrans liqasının qrup mərhələsinin 3-cü turunda oktyabrın 21-i “Kayrat”ı qəbul edəcək.