“Oyun gərgin mübarizə şəraitində keçdi“

Azərbaycan premyer liqasının 16-cı turunda “Zirə” evdə “Araz-Naxçıvan”la 0:0 hesabı ilə heç-heçə edib.

Allsport.az xəbər verir ki, “qartallar”ın baş məşqçisi Rəşad Sadıqov oyundan sonra təşkil olunan mətbuat konfransında oyunla bağlı öz fikirlərini bölüşüb:

“Oyun gərgin mübarizə şəraitində keçdi. Qarşılaşmanın ilk 10-15 dəqiqəsində “Araz-Naxçıvan” daha fəal idi.

İlk sıralarda qərarlaşdığımız üçün komandada gərginlik hiss olunurdu. 16 turda heç bir oyun bizim üçün rahat keçməyib. Qələbə qazananda da böyük çətinliklər yaşamışıq. Bu, normal haldır”.