“Oyun planını özümüz belə seçmişdik”

Allsport.az saytı xəbər verir ki, Misli premyer liqasının XXXII turu çərçivəsində “Zirə” – “Araz-Naxçıvan” (0:1) oyunundan sonra mətbuat konfransında qonaqların baş məşqçisi Elmar Baxşıyev bunu deyib:

“”Araz-Naxçıvan”la ilk qələbəmizdi, amma bu cür oyunlar çox olmalıdır. Komandanın meydanda nizam-intizamı qoruması məni daha çox sevindirdi. Əzmkarlıq göstərdik, meydanda bərabərsəviyyəli mübarizə izlədik. Komandamı təbrik edirəm, qarşıdakı 4 oyuna da bu cür hazırlaşacağıq.

Oyun planını özümüz belə seçmişdik. Seçim edən zaman komandanı da nəzərə alırıq. Çalışırdıq ki, hücumlara tez, sürətli qoşulaq. Uşaqlar bunu etməyə çalışdılar”.