“Oyundan çox razı qaldım”

İngiltərə millisinin baş məşqçisi Qaret Sautqeyt Avro-2024-ün açılış oyununda Serbiyanı məğlub etdikdən (1:0) sonra fikirlərini bölüşüb.

Allsport.az xəbər verir ki, bu barədə o, UEFA-ya açıqlama verib:

“Serbiya güclü komandadır. Bir az mübarizə aparmalı olduq, məncə, bu, bizim üçün yaxşı oldu, çünki biz onları keçə bildik və təzyiq altında öz oyunumuzu qoruya bildik. Bu komanda üçün vacibdir.

Oyundan çox razı qaldım, xüsusən də birinci hissədə. Topdan çox yaxşı istifadə etdik. Əldə etdiyimiz qələbə və start həqiqətən də vacibdir”.