Oyundan sonra bütün futbolçulara hamburger

“Barselona”nın prezidenti Xoan Laporta çempionlar liqasının 1/4 final mərhələsinin PSJ ilə ilk oyununda PSJ-ni məğlub etdikdən sonra (3:2) futbolçuları hamburgerlə sevindirib.

Allsport.az xəbər verir ki, Laporta matçdan sonra hər bir futbolçunu şəxsən təbrik edib. Lakin “Barselona” prezidentinin bu qələbəyə reaksiyası çox təmkinli olub və bu, futbolçuları təəccübləndirib.

Oyundan əvvəl Laporta komanda qarşısında çıxış etmədi və heç bir pul mükafatı vəd etmədi. Final fitindən sonra o, Parisdəki restoranlardan birində hamburger sifariş edib.

Cavab oyunu aprelin 16-da Barselonada keçiriləcək.