Ozan Can oynadı, komandası qələbə qazandı

Finlandiya çempionatında 21-ci turun oyunları keçirilir.

Allsport.az xəbər verir ki, Azərbaycan millisinin üzvü Ozan Can Kökcünün komandası HJK da növbəti matçına çıxıb.

Sözügedən komanda evdə “İnter Turku” ilə qarşılaşıb və 1:0 hesablı qələbəyə sevinib.

Ozan Can da bu görüşün iştirakçısı olub. 26 yaşlı yarımmüdafiəçi matça start heyətində başlayıb və 60-cı dəqiqədə əvəzlənib.