Özbəkistanda ilin futbolçusu seçildi

“Başaqşəhər” klubunun hücumçusu Eldar Şomuradov 2025-ci ilin nəticələrinə görə Özbəkistanın ən yaxşı futbolçusu seçilib.

Allsport.az xəbər verir ki, 30 yaşlı forvard karyerasında üçüncü dəfə (2019 və 2021-ci illərdən sonra) bu mükafata layiq görülüb.

Ölkədə ilin ən yaxşı məşqçisi adına isə Teymur Kapadze layiq görülüb. Onun rəhbərliyi altında Özbəkistan milli komandası tarixində ilk dəfə dünya çempionatının final mərhələsinə vəsiqə qazanıb.