PAOK Ağdam klubu ilə matç öncəsi AEK-ə qalib gəlib

Yunanıstan Superliqasında 9-cu turun oyunları keçirilib. Allsport.az saytı xəbər verir ki, Avropa Liqasının qrup mərhələsində “Qarabağ”ın rəqibi olan PAOK doğma meydanda AEK-lə qarşılaşıb.

Soloniki təmsilçisi bu matçda sevinən tərəf olub – 1:0. Hesabından 3 xalı silinmiş “Şimalın ikibaşlı qartalları” hazırda 11 xalla 16 klub arasında 3-cü yerdədir.

Yeri gəlmişkən, Ağdam klubu Avroliqada növbəti görüşünü noyabrın 3-də səfərdə məhz PAOK-a qarşı keçirəcək. Bu 2 komanda arasında Bakıda baş oyunda ev sahibləri sevinmişdilər – 2:0.