“Partizan” – “Gent” oyununda

FİFA referisi Elçin Məsiyev konfrans liqasının pley-ofunda “Partizan” (Serbiya) – “Gent” (Belçika) arasında ilk oyunun baş hakimi olacaq.

Allsport.az saytı xəbər verir ki, ona Elşad Abdullayev və Pərvin Talıbov kömək edəcəklər. 4-cü hakim funksiyasını Fərid Hacıyev yerinə yetirəcək.

Kamal Umudlu matçda VAR, Rəşad Əhmədov isə AVAR kimi fəaliyyət göstərəcək.

Görüş avqustun 22-də Belqrad şəhərində “Partizan” stadionunda keçiriləcək.