Pavel Paşayev “Neftçi”yə keçir

Ukraynanın “Stal” klubunun futbolçusu Pavel Paşayev karyerasını yenidən Azərbaycanda davam etdirəcək. Allsport.az saytı xəbər verir ki, 28 yaşlı müdafiəçi “Neftçi” ilə razılığa gəlib.

Millimizin üzvü Antalyada təlim-məşq toplanışı keçəcək “ağ-qaralar”a qoşulacaq və paytaxt klubu ilə rəsmi müqavilə bağlayacaq. Xatırladaq ki, o, ötən mövsümün sonunda “Qəbələ”dən ayrılaraq “poladçılar”a keçmişdi.