Paytaxt birinciliyi keçirildi

Respublika olimpiya mərkəzində 2005-2006-cı il təvəllüdlü yeniyetmələr arasında atletika üzrə paytaxt birinciliyi keçirilib. Allsport.az xəbər verir ki, oğlanlar arasında uzunluğa tullanma yarışında Mərdan Mustafazadə qalib adını qazanıb. Qızların yarışında isə uzunluğa tullanmada Veronika Antropova 1-ci olub.

Oğlanlar arasında qaçış yarışlarında Elcan Cəfərov (300 m) və Səid Səfərov (1000 m) birinci olublar. Qızların mübarizəsində isə Mələk Tağızadə (300 m) və İlahə Quliyeva (1000 m) hamıdan öndə olublar.