Paytaxt klublarının qarşılaşma tarixi dəyişdirildi

Futbol üzrə Azərbaycan 1-ci divizionunun 13-cü turunun oyun cədvəlində dəyişiklik edilib. Allsport.az xəbər verir ki, “Bakılı” klubu ev oyunlarını keçirdiyi stadionun dekabrın 15-dən etibarən təmir olunacağını əsas gətirərək, 13-cü turun “Bakı” ilə matçının vaxtının dəyişdirilməsini xahiş edib.

“Bakı” klubunun da razılıq məktubunu alan PFL “Bakılı” – “Bakı” matçının əvvəlcədən nəzərdə tutulduğu 18 dekabrda deyil, 8 dekabrda oynanılmasına qərar verib.