Bakıya səfər edəcək azarkeşlərə güzəşt

AÇ-2020-nin paytaxtımızda oyunlarını izləmək üçün Azərbaycana yollanmaq istəyən azarkeşlərin koronavirus pandemiyası ilə bağlı səyahət məhdudiyyətlərindən azad edilməsi planlaşdırılır. Allsport.az xəbər verir ki, bu istisna yalnız Bakı olimpiya stadionunda üz-üzə gələcək yığmaların fanatlarına şamil olunacaq.

Tərəfdarlar son koronavirus testinin mənfi çıxdığını sübut edən sənədi və oyun biletini təqdim etməklə viza ala biləcəklər.

Bakı ilə yanaşı, Sankt-Peterburq və Buxarestə gələn bilet sahibləri onları ölkəyə giriş qadağalarından və ya karantin tələblərindən azad edəcək xüsusi prosedurlardan yararlana bilərlər.

Digər təşkilatçı şəhərlərdə isə karantin tələblərinə tam əməl olunmalıdır.