PFL-dən azad agent olan futbolçularla bağlı açıqlama

Peşəkar futbol liqası koronavirus səbəbiylə dayandırılmış premyer liqanın cari mövsümünün əsasnaməsinə əlavələr edib. Allsport.az xəbər verir ki, dəyişiklikdə azad agent statusu daşıyan futbolçularla bağlı məsələyə də aydınlıq gəlib.

Əsasnamədə qeyd olunmayan, amma meydana çıxa biləcək fors-major hallarla bağlı qərar vermək hüququnu rəhbər tutan PFL, azad agent statusunda olan oyunçunun idman prinsiplərini əsas götürərək cəlb olunma müddətini aprelin 1-dən 24-cü turun startına qədər uzadır.

Klub öz akademiyasının oyunçusunu istənilən vaxt sifariş edə biləcək.

Meydana çıxa biləcək digər transfer məsələləri ilə bağlı PFL, AFFA və oyunçuların statusu və transferi komitəsi tərəfindən araşdırma aparılıb, ortaq qərar veriləcək.