Premyer Liqada 20-ci tur rəqəmlərin gözü ilə

Bu həftə Topaz Premyer Liqasında 20-ci turun oyunları keçiriləcək. Allsport.az xəbər verir ki, 2016-cı ilin ikinci turunun 5 oyunu 3 gün ərzində baş tutacaq.

Turun mərkəzi oyununda “İnter” “Qəbələ”ni qəbul edəcək. Peşəkar Futbol Liqasının rəsmi internet saytı üz-üzə gələcək cütlərin Premyer Liqadakı oyunlarının balansını təqdim edir.

Topaz Premyer Liqası
20-ci tur
5 fevral (cümə)

96. “Neftçi”- “Rəvan”   – 10 oyun, +8=0-2 16-8, top fərqi 16-8

Paytaxt klubları indiyədək heç-heçə etməyib. Son iki oyunda qonaq komanda 3 qol vuraraq, qalib gəlir. “Neftçi” 7 matçdır meydanı qolsuz tərk etmir.

06 fevral (şənbə)

97. “Qarabağ” – “Xəzər Lənkəran” – 34 oyun, +17=5-12, top fərqi 38-37

“Qarabağ” son 7 oyunda meydanı qolsuz tərk etməyib. 4 matdır rəqiblərdən heç biri 2 və ya daha çox qol vura bilmir. “Xəzər Lənkəran” 6 görüşdür qalib gəlmir.

98. “Sumqayıt” – “Zirə” – 2 oyun, +0=1-1, top fərqi 2-3

Cari mövsümədək qarşılaşmayan komandalar ilk iki oyununda “Zirə” məğlub olmayıb.  Sumqayıtlıların yeganə ev oyununda qol qeydə aınmayıb.

07 fevral (bazar)

99. “İnter” – “Qəbələ” – 30 oyun, +14=10-6, top fərqi 44-25

Son 5 oyunda hər iki komanda qol vurub. Qəbələdə keçirilən son 3 qarşılaşmada eyni hesab – 1:1 hesabı qeydə alınıb.

100. “Kəpəz” – AZAL –  14 oyun, +2=3-9, top fərqi 7-23

AZAL son 10 oyundan yalnız birində qol vurmayıb. Gəncədəki son 5 oyunda heç-heçə qeydə alınmayıb. Son 3 qarşılaşmada qonaq komanda qalib gəlməyib.